Editor de conxunto de exercicios

Captura de pantalla da xanela do editor de conxunto de exercicios.

O editor de conxunto de exercicios permítelle crear ficheiros MIDI/WAV/MP3/OGG de preguntas para que as poida cargar na pda, no móbil ou no reprodutor MP3. Crearase unha folla coas solucións que se poderá imprimir. Daquela, vostede poderá escoitar as pistas de forma aleatoria no reprodutor MP3 e comprobar se é quen de identificar a música correctamente.

Empregue o editor de conxunto de exercicios para seleccionar que exercicios quere crear. Pode gardar a súa selección nun ficheiro para empregalo máis adiante. Cada vez que prema Exportar crearase un novo conxunto de ficheiros no directorio que vostede elixa. Deberá cargar os sons creados no seu dispositivo móbil de forma manual.

O programa permítelle crear preguntas a partir de tantos ficheiros de lección como vostede queira, pero o máis común sería crear moitas preguntas dun só ficheiro ou duns poucos.

Os programas empregados para converter os diferentes formatos dos ficheiros aparecen especificados na páxina GUI da xanela de preferencias. Comprobe eses programas no caso de que teña problemas para converter os ficheiros MIDI en formatos WAV, MP3 ou OGG.

Táboa coas cabeceiras explicadas

Suma

Número de preguntas creadas a partir do ficheiro de lección.

Repetir

Número de veces que se repite cada pregunta.

Demora

Cal será o tempo do atraso entre as preguntas medido en duración de negras.